Izinkomba zesivinini
Imoto eyenzelwe noma ekwazi ukufinyelela isivinini esingama-60 km/h noma ngaphezulu, kumele ifakwe inkomba yesivinini esebenza kahle.
Imikhawulo yesivinini
Umkhawulo wesivinini ovamile usebenza kuyo yonke imigwaqo futhi akudingeki ukuthi uboniswe uphawu lomgwaqo.
Ngaphandle uma kuboniswe okunye uphawu lomgwaqo, umkhawulo wesivinini:
- ongama-60 amakhilomitha ngehora usebenza kuyo yonke imigwaqo yomphakathi esedolobheni,
- ongama-100 amakhilomitha ngehora usebenza kuyo yonke imigwaqo yomphakathi ngaphandle kwemigwaqo emikhulu (freeway), esengaphandle kwedolobha, futhi
- ongama-120 amakhilomitha ngehora usebenza kuwo wonke umgwaqo omkhulu (freeway).
Ukweqa umkhawulo wesivinini kuwukwephula umthetho.
Umkhawulo wesivinini ezimotweni ezithwala abantu ngenkokhelo
Umkhawulo wesivinini ongama-100 amakhilomitha ngehora usebenza:
- ebhasini, futhi
- kuminibhasi
Umkhawulo wesivinini wohlobo oluthile lwezimoto
Umkhawulo wesivinini ongama-80 amakhilomitha ngehora usebenza:
- emotweni yempahla ene-BVM engaphezu kwama-kg angu-9 000,
- enhlanganiseleni yezimoto ehlanganisa imoto yempahla, okuyiyona edonsayo, nesileyi esisodwa noma ezimbili lapho isamba se-BVM yemoto yempahla neyesileyi noma amasileyi seqa ama-kg angu-9 000, noma
- emotweni exhunyiwe, lapho i-BKM yayo yetraka-trekta yeqa ama-kg angu-9 000,
- kunoma yimuphi umoto wokudonsa izimoto ezephukile odonsa enye imoto.
Pass